“Qarabağ” Danilo Diası da yola saldı

Bu yay 10 futbolçu transfer edən “Qarabağ” bir neçəsi ilə də yollarını ayırdı. Allsport.az xəbər verir ki, ötən mövsüm Ağdam klubunun formasını geyinmiş braziliyalı yarımmüdafiəçi Danilo Diasla müqaviləyə xitam verilib.

30 yaşlı futbolçunun müqaviləsi 2016-cı ilin yayında başa çatacaqdı. Amma tərəflər qarşılıqlı razılıq əsasında daha tez ayrılmağa qərar veriblər.

“Qarabağ” Danilo Diasa komandada verdiyi əməyə görə təşəkkür edib, ona gələcək karyerasında uğurlar arzulayıb.