“Qarabağ” – “Seltik” matçı üçün biletlər sabahdan satışda olacaq

UEFA Çempionlar Liqasının üçüncü təsnifat mərhələsi çərçivəsində baş tutacaq Azərbaycan çempionu “Qarabağ”la Şotlandiya “Seltik”i arasında keçiriləcək cavab qarşılaşmasının biletləri sabahdan satışa çıxır. Allsport.az xəbər verir ki, avqustun 5-də Tofiq Bəhramov adına Respublika stadionununda keçiriləcək və saat 21:30-da start götürəcək matçın biletlərini oyunun baş tutacağı arenanın kassalarından əldə edə bilərsiniz.

Biletlərin qiymətləri nömrəli sektorlar üzrə 1-10 azn arası dəyişir.

13, 14, 15, 16 sektor – 10 AZN
12 və 17 sektor – 8 AZN
11 və 18 sektor – 6 AZN
10 və 19 sektor – 5 AZN
8, 9 və 20, 21 sektor – 3 AZN
5-7, 22-24 sektor – 2 AZN
1-4 , 25-27 sektor 1 AZN
29 və 38 sektor 10 AZN
VİP- 50 AZN

Qeyd edək ki, ötən qarşılaşmada biletlərin qeyri-leqal dövriyyəsinin qarşısını almaq üçün biletlərin mərhələli satışı həyata keçirilmişdi. Bu dəfə isə qiymətlər sektorlar üzrə fərqli olduğuna görə kassalarda sərbəst satış həyata keçiriləcək. Bu səbəbdən kassaya yaxınlaşıb istədiyiniz yerə bilet ala bilərsiniz.

Bir daha xatırladırıq ki, qısa zamanda kassaya yaxınlaşıb bilet almağınız daha uyğundur. Qarşılaşmaya olan marağı nəzərə alaraq 30 000 biletin erkən tükənmə ehtimalı yüksəkdir. Ona görə kassaya yaxınlaşın və biletinizi almağa tələsin.

Kassaların çalışma saatları 10:00-dan 20:00-a qədərdir.