“Qaradağ Lökbatan” qış fasiləsinə zirvədə yollanıb

Bu gün 2-ci dəstədə XIV turun oyunlarına start verilib. Allsport.az saytı xəbər verir ki, “Qaradağ Lökbatan” hesabat turunda “Araz Saatlı”nı qəbul edib.

Lökbatan qəsəbəsində Qaradağ təlim-idman bazasının stadionunda görüş meydan sahiblərinin böyüh hesablı qələbəsi ilə bitib – 13:1. Bu nəticə sayəsində xallarının sayını 39-a çatdıran “Qaradağ Lökbatan” yarış cədvəlində zirvəyə yüksəlib.

14 oyundan 13-də qələbə qazanan “neftçilər” cəmi bir dəfə yenilib. Rəqiblərinin qapısına 58 dəfə yol tapıb, 8 top buraxıb.