Qazaxıstan təmsilçisi ulduz oyunçu ilə müqavilə bağladı

Qazaxıstanın “Aktobe” klubu 2016-cı ilin Avropa çempionu, Portuqaliya millisinin sabiq ulduzu Nani ilə müqavilə imzalayıb.

Allsport.az xəbər verir ki, 39 yaşlı hücumçu ilə sözləşmənin cari ilin sonuna qədər nəzərdə tutulub.

Maraqlıdır ki, portuqaliyalı futbolçu 2024-cü ilin dekabrında “Eştrela”dan ayrıldıqdan sonra karyerasını bitirdiyini elan etmişdi. Lakin “Aktobe”nin təklifi onu yenidən böyük futbola qaytarıb.