“Qırmızı-qaralar”ın 150-ci ev qələbəsi

Azərbaycan kubokunun 1/4 finalının cavab oyunu “Qəbələ” üçün əlamətdar olub. Allsport.az saytı xəbər verir ki, “qırmızı-qaralar” ev matçında “Qarabağ”a 1:0 qalib gəlib. Görüşdə yeganə qolu Ramon Maçado vurub.

Bu, “Qəbələ”nin tarixində 150-ci ev qələbəsi olub. Yubiley 316-cı qarşılaşmaya təsadüf edib. “Qırmızı-qaralar” oremyer liqada 106, kubokda 23, 1-ci divizionda 13, avrokuboklarda 8 ev qələbəsinə sevinib.

Klubun ilk ev qələbəsi 2005-ci il sentyabrın 21-də qeydə alınıb. 1-ci divizionda “Şərur”u 8:0 məğlub edib.

Həmin kateqoriyadan

AzerbaijaniEnglishRussianTurkish