Qocaelidə 8-ci medal

Türkiyənin Qocaeli şəhərində Yaşar Doğu, Vəhbi Əmrə və Həmid Qaplanın xatirə turniri davam edir.

Allsport.az xəbər verir ki, ötən gün sərbəst güləş üzrə yarışa start verilib.

Əli Tsokayev 86 kq-da uğurlu debüt edib. Belə ki, bütün rəqiblərinə qalib gələn yığmamızın üzvü fəxri kürsünün ən yüksək pilləsinə qalxıb. Bununla da memorialda qazanılan medalların sayı 8-ə çatıb. Ötən gün yunan-Roma güləşində 2 gümüş, 1 bürünc, qadın güləşində isə 1 gümüş və 2 bürünc medal əldə edilib.

Ənənəvi turnirin son günündə millinin 5 üzvü xalçaya çıxacaq.