“Rəvan” seleksiya xarakterli toplanış keçirir

2015/2016-cı il futbol mövsümündə Premyer Liqada mübarizə aparacaq “Rəvan” hazırlıqlara start verib. Allsport.az xəbər verir ki, “aslanlar” dünən axşam saatlarında “Bayıl Arena”da bir araya gəliblər.

İlk məşq günündə Emin Quliyevin rəhbərlik etdiyi məşqçilər korpusu baxışa gələn futbolçuları ikitərəfli oyunda sınayıblar.

Düşərgə təşrif buyuran futbolçular bu günə təyin olunmuş bir məşqdə də məşqçilərin etimadını qazanmağa çalışacaqlar. Seleksiya xarakterli toplanış komanda komplektləşənə qədər davam edəcək.