Roman Qriqorçuk “Apollon” matçı öncəsi danışacaq

Avropa Liqasının üçüncü təsnifat mərhələsi çərçivəsində “Qəbələ” ilə Kipr “Apollon”u arasında keçiriləcək ilk oyun ərəfəsində baş məşqçilərin mətbuat konfransı təşkil olunacaq. Allsport.az xəbər verir ki, Azərbaycan klubunu çalışdıran Roman Qriqorçuk jurnalistlərlə sabah saat 21:00-da matçın keçiriləcəyi “Antonis Papadopulos” arenasında görüşəcək.

Bundan bir saat sonra isə komandamız oyunöncəsi son məşqinə çıxacaq.

Limassoldan Larnakaya 15:00-da gələcək “Apollon”un matçın baş tutacağı arenadakı son məşqi isə 20:30-da start götürəcək.

Qeyd edək ki, “Apollon” – “Qəbələ” matçı iyulun 30-da Larnakada keçiriləcək.