“Ruizin tam sağalması üçün bir az vaxta ehtiyacı var”

Allsport.az saytı xəbər verir ki, “Pari Sen Jermen”in baş məşqçisi Luis Enrike çempionlar liqasının 1/4 final oyunundan əvvəl yarımmüdafiəçi Fabian Ruisin hazırkı vəziyyəti ilə bağlı şərh verib.

“Bir oyunçu zədələnəndə onun geri dönməsini gözləməliyik. Bu vacibdir. Oyunçuları mümkün qədər tez meydana qaytarmağa çalışırıq, amma Fabian hələ qrupla məşq etməyib. O, böyük irəliləyiş əldə edib, demək olar ki, hər gün danışırıq. O, düzgün yoldadır, amma tam sağalması üçün bir az vaxta ehtiyacı var”, – ispaniyalı mütəxəsis açıqlayıb.

Ruiz 20 yanvarda Çempionlar Liqasında Sportingə (1-2) qarşı matçda dizindən zədə alıb.