“Səbail”də 2 yubiley

Premyer liqanın 15-ci turunun “Qarabağ”la oyunu “Səbail”in 2 üzvü üçün yubileylə əlamətdar olub.

Allsport.az xəbər verir ki, komandanın baş məşqçisi Aftandil Hacıyev yetirmələrini 50-ci rəsmi matça çıxarıb. 2018-ci ilin yayından bu vəzifədə çalışan mütəxəssis 43 çempionat, 5 kubok və 2 avrokubok görüşündə komandaya rəhbərlik edib.

“Səbail”in futbolçusu Fəhmin Muradbəyli klub tarixinə premyer liqada 50 oyun keçirən ilk oyunçu kimi düşüb. O, 2018-ci ildən çıxış etdiyi komandada 6 qol vurub.