“Şəmkir” “Kəpəz”in əvəzedici komandasına qalib gəldi

Qarşıdakı mövsümə hazırlığı Gəncədə davam etdirən “Kəpəz”in əvəzedici heyəti yoxlama oyunları keçirməkdə davam edir. Allsport.az xəbər verir ki, əvəzedicilər bu dəfə I divizonda çıxış edən “Şəmkir” ilə üz-üz gəlib.

Şəmkir Olimpiya İdman Kompleksində keçirilən oyun “qırmızı-ağlar”ın qələbəsi ilə başa çatıb – 3:2.

Oyuna istənilən kimi başlaya bilməyən “Kəpəz”in əvəzediciləri bir-birinin ardınca rəqibin üç qoluna mane ola bilməyiblər. Yalnız fasilədən sonra toplanmağı bacaran “sarı-göylər” əzmkarlıq göstərərək buraxılan qollardan ikisinin əvəzini çıxıb.

Nəzərinə çatdıraq ki, iyulun 21-də tərəflər sınaq matçında Gəncədə qarşılaşmış və həmin oyun 2:2 hesablı heç-heçə ilə nəticələnmişdi.