“Sabah” növbəti dəfə çempion!

24 may “Sərhədçi” idman mərkəzində Azərbaycan basketbol liqasının (ABL) final sıralamasının 4-cü oyunu baş tutub.

Allsport.az xəbər verir ki, “Sabah” və “Xəzri” komandaları arasında oyun bərabər mübarizə şəraitində başlayıb. Matçın sonlarında üstünlüyü ələ keçirən “Sabah”, yekunda 74-69 qələbə qazanıb.

Bununla ümumi hesabı 3:1 edən “göy-ağlar”, ardıcıl 2-ci dəfə çempion olub. Final seriyasının ən dəyərli oyunçusu (MVP) “Sabah”dan Şirzad Sirzadov seçilib.