“Sabah” Xaçmazda “NTD-İndiqo”ya qalib gəldi, vahid lider oldu

Bu gün Xaçmaz olimpiya idman kompleksində basketbol liqasının 11-ci turunun son oyunu olub. Allsport.az saytı xəbər verir ki, mərkəzi oyunda çempionatın liderləri – “NTD-İndiqo” və “Sabah” qarşılaşıblar.

Gərgin və nəfəs kəsən mücadilənin yekununda qonaqlar 83:79 qalib gələrək, çempionatın vahid lideri olublar. Meydan sahiblərindən Qriffin Remmi (23 xal, 7 ötürmə), “Sabah”dan Endar Poladxanlı (32 xal, 3 götürmə) fərqləniblər.