Şahmat yığması Serbiya və İsveçlə qarşılaşacaq

Sloveniyanın Çatej şəhərindəki şahmat üzrə Avropa çempinonatında bu gün 2-ci turun görüşləri keçiriləcək.

Allsport.az xəbər verir ki, ilk turu qələbə ilə başa vuran Azərbaycan milli komandaları daha güclü rəqiblərlə üz-üzə gələcəklər.

Kişilərdən ibarət komanda Serbiya ilə qarşılaşacaq. Qadın yığması isə İsveçlə üz-üzə gələcək.

İlk turdan kişilər İtaliyanı, qadınlar Türkiyəni məğlub edib – 4:0.

Turun bütün oyunları Bakı vaxtı ilə saat 18:00-da başlanacaq.