Şahmatçımız DÇ-də erməni rəqibini məğlub etdi, liderliyini daha möhkəmləndirdi

İtaliyanın Sardiniya adasında gənc qız şahmatçıların dünya çempionatı sona yetmək üzrədir. Allsport.az saytı xəbər verir ki, təmsilçimiz Gövhər Beydullayeva 9-cu turda Ermənistan təmsilçisi Məryəm Mkrtçyanla qarşılaşıb.

Ağ fiqurlarla oynayan 19 yaşlı idmançımız, 47-ci gedişdə rəqibini təslim olmağa məcbur edib. Bu qələbə ilə xallarının sayını 8-ə yüksəldən Gövhər ən yaxın rəqibini 1 xal qabaqlayaraq öncüllüyünü daha möhkəmləndirib.