“Şamaxı”nın yeni rəhbəri kim oldu?

Son günlər idman mediasında “Şamaxı”da rəhbər dəyişikliyi ilə bağlı müxtəlif fikir səsləndirilir. Allsport.az saytı xəbər verir ki, bununla bağlı klub məlumat yayıb:

“Şamaxı Futbol Klubu” ictimai birliyinin təsisçilərinin və idarə heyətinin dəyişdirilməsi ilə bağlı ədliyyə nazirliyində və digər əlaqədar qurumlarda olan zəruri qeydiyyat prosedurları davam edir. Bu qeydiyyat prosedurlarının ilkin mərhələsi yekunlaşıb. Hazırda idarə heyətinin yeni sədri kimi Elçin Arif oğlu Usub qeyri-kommersiya qurumlarının dövlət reyestrində qeydiyyata alınıb. Müvafiq təsdiqedici sənədlər ədliyyə nazirliyi tərəfindən klubun hazırkı rəhbərliyinə 06 iyul 2022-ci il tarixində təqdim edilib.

Qanunvericiliyə uyğun olaraq bütün prosedurlar yekunlaşdıqdan sonra komandanın bütün heyəti, məşqçilər və oyunçular ilə əlaqədar son qərarlar veriləcək. Həmin qərarlar, habelə klubun yeni idarəetmə və inkişaf strategiyası ilə bağlı tezliklə ictimaiyyətə ətraflı məlumat veriləcəkdir”.