Samir Əliyev: “Əlimizdən gələni edəcəyik ki, çempionata tam hazır vəziyyətdə çıxaq”

“Neftçi”nin baş məşqçisi Samir Əliyev klubun rəsmi saytına açıqlama verib. Allsport.az xəbər verir ki, gənc mütəxəssis komandasının Türkiyədəki təlim-məşq toplanışı barədə danışıb:

“Çempionatın başlanmasına çox az vaxt qalıb. Buna görə də hazırda təlim-məşq toplanışı keçməyimiz çox yaxşı oldu. Bundan əlavə, futbolçuları üç yoxlama görüşündə sınayacağımız da xeyrimizədir. Güclü rəqiblərlə oyunlar zəif yerlərimizi görmək baxımından çox əhəmiyyətlidir. Çalışacağıq ki, komandaya gətirdiyimiz sistemi təkminləşdirək, eyni zamanda, səhvlər üzərində işləyək. Əlimizdən gələni edəcəyik ki, çempionata tam hazır vəziyyətdə çıxaq”.