“Seltik” ölkə çempionatında ilk matçına çıxır

Bu gün futbol üzrə Şotlandiya çempionatında yeni mövsüm start götürür. Allsport.az xəbər verir ki, UEFA Çempionlar Liqasının üçüncü təsnifat mərhələsi çərçivəsində Azərbaycan çempionu “Qarabağ”ın rəqibi olan “Seltik” da ilk matçına çıxacaq.

Sözügedən komanda doğma meydanda “Ross Kaunti”ni qəbul edəcək. “Seltik Park”da baş tutacaq görüş Bakı vaxtıyla saat 16:45-də start götürəcək.

Qeyd edək ki, iyulun 29-da “Seltik”lə “Qarabağ” arasında baş tutmuş ilk oyunda Şotlandiya klubu 1:0 hesabıyla qalib gəlib. Tərəflər arasındakı cavab görüşü avqustun 5-də Bakıda keçiriləcək.