Stanislav Çerçesov: “Azərbaycan klubunu təhlil etməkdə bizə kömək edəcəklər”

Macarıstan “Ferentsvaroş”ının baş məşqçisi Stanislav Çerçesov çempionlar liqasının 3-cü təsnifat mərhələsində rəqibi haqda danışıb. Allsport.az saytı xəbər verir ki, rusiyalı mütəxəssis “Qarabağ” barədə bunu deyib:

“Qrup mərhələsinə doğru ilk addımlardan birini atdıq. Bu uğurdur. Lakin qarşıdakı oyunlara hazır olmalıyıq. Müşahidəçimiz “Sürix” – “Qarabağ” matçında olub.

O, Azərbaycan klubunun oyununu təhlil etməkdə bizə kömək edəcək. Amma qarşıda hələ Macarıstan çempionatı var. Mövsümə yaxşı başlamaq vacibdir”.

Hunlarla ilk görüş avqustun 3-də Tofiq Bəhramov adına respublika stadionunda, cavab görüşü isə avqustun 9-u Budapeştdə keçiriləcək.