Tahir Süleymanov – hakimlər komitəsinə sədr təyin olunur?

AFFA – hakimlər komitəsinə yeni sədr axtarır. Əsas söz sahibləri onun yurd dışından olmasını istəsələr də, bu sahənin tamamən əcnəbilər verilməsi idman ictimaiyyətində qınağa səbəb olduğundan, onlar geri çəkilmək məcburiyyətində qalıblar.

Allsport.az saytının əldə etdiyi bilgiyə görə, bu vəzifəyə Tahir Süleymanovu namizəd biliblər. O, 2 dəfə AFFA-nın baş katibi Sərxan Hacıyevlə görüşüb. İlk söhbətdə maliyyə məsələsində ortaq məxrəcə gəlinməsə də, növbətidə ümumi dil tapıblar.

Sözü gedən şəxs hakimlikdə təcrübəli simalardan sayılır. “Neftçi” klubunda vitse-prezident işlədiyi dönəmdə, komanda dəfələrlə çempion olub, ölkə futbolu tarixində ilk dəfə avrokubokda qrup mərhələsinə düşüb.

Dünən AFFA-da premyer liqada ilk turun püşkü atılıb. 2 avqustda oyunlara start veriləcək.