“Tottenhem”də Tudor dövrü bitdi

“Tottenhem” baş məşqçisi İqor Tudorla yolunu ayırdığını açıqlayıb.

Allsport.az xəbər verir ki, 47 yaşlı xorvatiyalı mütəxəssis tərəflərin qarşılıqlı razılığı əsasında postunu tərk edib.

Fevralın 14-də komandanın “sükanı arxası”na keçən Tudorun fəaliyyəti cəmi bir ay yarım davam edib. Onun rəhbərliyi altında çıxılan 7 matçda London təmsilçisi cəmi 1 qələbə qazanıb, 1 heç-heçə edib və 5 dəfə məğlub olub.

Hazırda premyer liqada 31 oyundan sonra 17-ci pillədə qərarlaşan “Tottenhem” düşmə zonasından cəmi 1 xal öndədir. Klubun mövsümün qalan hissəsində kimə tapşırılacağı hələlik dəqiqləşməyib.