“Turan Tovuz” hazırlığa Bakıda başlayır

Yeni mövsümdə premyer liqada çıxış edəcək “Turan Tovuz” hazırlığa start verir. Allsport.az saytı xəbər verir ki, Tovuz şəhər stadionunda ot örtüyü yeniləndiyindən, komanda təlim-məşqin ilk 2 hissəsini Bakıda həyata keçirəcək.

Ayxan Abbasovun rəhbərliyi ilə dünəndən “Türk hava yolları” futbol mərkəzində 5-günlük seleksiya xarakterli 1-ci mərhələ başlayıb. Sonra, komanda koplektləşmiş heyətlə ayın 27-də yenidən bir araya gələcək.