Uelsə tarixi nailiyyət qazandıran baş məşqçini istefaya göndərdilər

Uels futbol assosiasiyası Rob Peyci millinin baş məşqçisi vəzifəsindən azad edib.

Allsport.az saytı xəbər verir ki, 49 yaşlı mütəxəsis 2020-ci ilin noyabrından komandaya rəhbərlik edirdi və 64 ildən sonra Uels yığmasını ilk dəfə Dünya Kubokunun finalına çıxarıb. Avro-2020-də onun rəhbərlik etdiyi komanda 1/8 finala yüksəlib.

Uels millisi 2024-cü il Avropa çempionatına vəsiqə qazana bilməyib. İyunda isə Cəbəllütariq (0:0) və Slovakiya (0:4) ilə 2 uğursuz yoldaşlıq görüşü keçirib. Nəticədə, onunla yolu ayırmaq qərarı verilib.