Ulduz futbolçu DÇ-nı buraxacaq

“Real Madrid”in və Braziliya millisinin hücumçusu Rodriqo ağır zədə səbəbindən həm mövsümü, həm də qarşıdan gələn DÇ-2026-nı qaçıracaq.

Allsport.az xəbər verir ki, 25 yaşlı futbolçuya sağ dizinin ön çarpaz bağlarının qırılması və menisk cırılması diaqnozu qoyulub.

Hadisə martın 2-də la liqanın 26-cı turu çərçivəsində keçirilən “Xetafe” ilə matçda (0:1) baş verib. Uzunmüddətli tendinozdan sonra ilk oyununa çıxan Rodriqo 54-cü dəqiqədə meydana daxil olsa da, bir neçə dəqiqə sonra dizində şiddətli ağrı hiss edib. O, görüşü sona qədər tamamlasa da, ertəsi gün keçirilən tibbi müayinələr ən pis ehtimalı təsdiqləyib.