Ulduzlar oyununu buraxacaqlar

“İnter Mayami”nin hücumçuları Lionel Messi və Luis Suares qarşıdan gələn MLS bütün ulduzlar oyununu buraxacaq.

Allsport.az saytı xəbər verir ki, argentinalı topuğundakı zədə səbəbindən bu görüşü buraxacaq. Bu yaxınlarda millidən qayıdan uruqvaylı dizində narahatlıq səbəbindən ulduzlar oyununda iştirak etməyəcək. Onların şənbə günü liqa kuboku matçına hazırlığı, sağalmaları davam etdikcə, qiymətləndiriləcək.

MLS ulduzlarının Meksika çempionatının ulduzlarına qarşı oyunu iyulun 25-nə keçən gecə baş tutacaq və Bakı vaxtı ilə saat 04:00-da başlayacaq.