Vernidub “Neftçi”yə hansı şərti qoyub?

“Neftçi”nin yeni baş məşqçisi Yuri Vernidub müqaviləsinə Rusiya ilə bağlı xüsusi maddə əlavə etdirib.

Allsport.az xəbər verir ki, ukraynalı mütəxəssis “Neftçi”nin Rusiya komandaları ilə yoldaşlıq oyunları keçirməməsini və həmin ölkənin klubları ilə heç bir transfer münasibətinə girməməli olduğunu tələb edib.

Daha əvvəl Ukrayna hakimiyyətinin Vernidubu ölkədən buraxmadığı barədə xəbərlər yayılmışdı. Ancaq “Neftçi” rəhbərliyi məsələni həll edə bilib və baş məşqçi artıq komandada işinin icrasına başlayıb.