“Xəzər Lənkəran” məşqləri bərpa etdi

Türkiyədəki hazırlığını başa vurub vətənə dönən “Xəzər Lənkəran” artıq doğma şəhərdədir. Allsport.az xəbər verir ki, cənub klubu 4 günlük qısa istirahətin ardından Lənkərandakı bazasında toplaşaraq məşqlərə start verib.

Yalnız bir futbolçu, zədəli Sadio Tounkara paytaxtda reabilitasiya mərkəzində bərpa kursu keçidyindən məşqlərdə iştirak etmir. “Xəzər Lənkəran” yeni mövsümün ilk turuna qədər hazırlığı Lənkərandakı bazasında davam etdirəcək.

Xatırladaq ki, komandanın məşqləri azarkeşlər üçün açıq keçirilir.