“Xəzər Lənkəran” Türkiyə klubu ilə bərabərə qaldı

Yeni mövsümə Türkiyədə hazırlaşan “Xəzər Lənkəran” bu gün təlim-məşq toplanışı çərçivəsində üçüncü yoxlama oyununu keçirib. Allsport.az xəbər verir ki, “ağ-yaşıllar” Super Liqa təmsilçisi “Kayserispor”la qarşılaşıb.

Matç 1:1 hesabıyla başa çatıb. “Xəzər Lənkəran”ın yeganə qolunu Vüqar Nadirov vurub.

Yoxlama oyunu
21 iyul

“Xəzər Lənkəran” – “Kayserispor” – 1:1

“Xəzər Lənkəran” bu oyunda aşağıdakı heyətlə mübarizə aparıb: Pavel Kapsa (Orxan Sadıqlı, 46), Ruslan Abışov (Elvin Mirzəyev, 46), Adrian Skarlatake, Rasim Ramaldanov, Tural Cəlilov (Mahsun Qəmbərli), Dieqo Souza, Rahid Əmirquliyev, Vaqif Cavadov (Elnur Cəfərov, 46), Vüqar Nadirov, Rəşad Eyyubov (Elşən Rzazadə), Limam Seydi (Kazım Kazımlı)

Qeyd edək ki, “Xəzər Lənkəran” daha öncə Türkiyənin “Niğdəspor” klubuna 1:0 hesabıyla qalib gəlmiş, “Kasımpaşa”ya 0:2 hesabıyla uduzmuşdu.