“Xırdalan” dan sürpriz Xaçmaz qələbəsi

Xaçmaz olimpiya idman kompleksində Azərbaycan basketbol liqasının (ABL) 14-cü turunun sonuncu oyunu baş tutub.

Allsport.az xəbər verir ki, çempionatın güclü kollektivlərindən sayılan “NTD-İndiqo”, son zamanlar yüksəlişdə olan “Xırdalan” klubu ilə üz-üzə gəlib. Bu gərgin oyunun yekununda qonaqlar 84-77 hesablı qələbəyə seviniblər. Bu müntəzəm mövsümdə “Xırdalan” klubunun 9-cu qələbəsi olub. Ən məhsuldar basketbolçular: “NTD-İndiqo” (Əkbər Məmmədov – 17 xal, 11 götürmə), “Xırdalan” (Teyvion Körk – 18 xal, 8 götürmə)