“Yaz turniri” başa çatdı, “Zirvə” çempion oldu

AFFA-nın və Bakcell şirkətinin dəstəyi, Əlillər Futbolu Federasiyasının təşkilatçılığı ilə Azərbaycan Texniki Universitetinin idman kompleksində eşitməqüsurlu əlillər arasında keçirilən futzal üzrə “Yaz turniri” başa çatıb. Allsport.az xəbər verir ki, turnirin qalibi “Zirvə” komandası olub.

2-ci yeri “Şimşək”, üçüncü pilləni isə “Birlik” tutub.

“Zirvə” komandasının üzvü Süleyman Osmanlı ən yaxşı qapıçı, Güləli Baxşıyev isə ən yaxşı oyunçu adına layiq görülüb. Turnirin ən məhsuldar futbolçusu “Şimşək” komandasının üzvü Telman Hüseynov olub.