Yığmamız Avstriyaya yola düşdü

Azərbaycan yığması Avstriyaya yollanıb. Allsport.az xəbər verir ki, Robert Prosineçkinin komandası bu ölkədə təlim-məşq toplanışında olacaq.

Qeyd edək ki, millimiz Avstriyada iyunun 7-də Serbiya ilə yoxlama oyunu keçirəcək. Ayın 12-də isə komandamız Norveçdə sözügedən ölkə ilə AÇ-2016-nın seçmə mərhələ oyununa çıxacaq.

Qeyd edək ki, səfərə yollanan millimizin heyətində “Qarabağ”la “Neftçi”nin futbolçuları yer almır. Azərbaycan Kubokunun finalında oynayacaq milli üzvləri Avstriyaya ayın 3-dən sonra yola düşəcəklər.