Millimiz 3 oyuna 20 qol buraxıb

17 yaşadək qadın futbolçulardan ibarət Azərbaycan komandası Avropa çempionatının seçmə mərhələsində son oyununu keçirib.

Allsport.az xəbər verir ki, “B” liqasının 3-cü qrupunda yer alan millimiz Farer adalarının müvafiq yaş qrupundan ibarət komandası ilə qarşılaşıb.

Sloveniyanın Krşko şəhərində baş tutan görüş rəqibin 6:1 hesablı qələbəsi ilə bitib. Yığmamızın heyətində yeganə qolu 42-ci dəqiqədə Könül Hüseynova vurub.

Azərbaycan yığması əvvəlki oyunlarında Belçikaya 0:11, Sloveniyaya 0:3 hesabı ilə uduzmuşdu.