Yığmanın olimpiya təsnifat turnirinə hazırlığı

Qadın basketbolçulardan ibarət 3×3 Azərbaycan yığmasının Serbiyadakı təlim-məşq toplanışı yekunlaşıb.

Allsport.az xəbər verir ki, milli Paris-2024 yay olimpiya oyunlarının təsnifat mərhələsinə hazırlaşır.

Təlim-məşq toplanışında komandanın üzvləri Dina Ulyanova, Tatyana Deniskina, Aleksi Mollenhauer və Mersedes Uolker iştirak ediblər. Sabah Bakıya dönəcək yığma martın 23-24-də Fransanın Tuluza şəhərində hazırlıq turnirində iştirak edəcək. Bundan sonra Serbiyaya yollanacaq millinin martın 26-da növbəti təlim-məşq toplanışı start götürəcək.

Qeyd edək ki, olimpiya təsnifat turniri aprelin 12-14-də Novi-Sadda (Serbiya) baş tutacaq.