“Yuventus”un transfer hədəfi

“Yuventus” “Tottenhem”in 23 yaşlı sol cinah müdafiəçisi Destini Udogini transfer etmək imkanlarını nəzərdən keçirir.

Allsport.az xəbər verir ki, Turin klubu müdafiənin sol cinahını gücləndirmək üçün gənc futbolçunu əsas hədəf olaraq müəyyənləşdirib.

Udoginin “A” seriyasındakı əvvəlki təcrübəsi klub tərəfindən böyük üstünlük kimi qiymətləndirilir.

Belə ki, onun baş məşqçi Luçiano Spallettinin taktiki sisteminə daha tez uyğunlaşacağı gözlənilir. İtaliya nəhəngi yay transfer pəncərəsində bu keçidi reallaşdırmaqla cinahlarda həm müdafiə, həm də hücum çevikliyini artırmağı hədəfləyir.