“Zirə”də müşahidə şurası

“Zirə” klubunun idarəçiliyin daha təkmilləşdirilməsi və görüləcək işlərlə bağlı iclas keçirilib. Allsport.az saytı xəbər verir ki, toplantıda bir sıra mühüm məsələlər müzakirə olunub və klubun müşahidə şurasının yaradılması haqqında qərar qəbul edilib. 

Fəxri prezident Orxan Məmmədov sədr seçilib. “AzFar Group” şirkətinin maliyyə direktoru Qabil Abdullayev, “Santral Elektrik” QSC-nin təsisçisi Fuad Rzayev, “Azərenerj” ASC-nin maliyyə departamentinin direktor müavini Fərid Cəfərov, veteran futbolçu Zaur Həşimov müşahidə şurasına üzv seçiliblər.