“Əgər Xavi məni dəvət etsə, düşünmədən təklifi qəbul edəcəm”

Allsport.az xəbər verir ki, “Latsio”nun futbolçusu Pedro Rodriges yenidən “Barselona”da oynamaq arzusunda olduğunu etiraf edib:

“Əgər Xavi məni dəvət etsə, düşünmədən təklifi qəbul edəcəm. Bu, heç də o demək deyil ki, mən indi oynadığım kluba sadiq deyiləm, amma “Barselona” mənim evimdir. Başa düşürəm ki, bir çox amillərə, o cümlədən yaşıma görə ora qayıtmağım mənim üçün çox çətin olacaq, amma çox istərdim. Əla olardı, amma indi bu barədə ciddi düşünmürəm, çünki ehtimal çox aşağıdır”.