Ələsgərovun klubu darmadağınla mərhələ adlayıb

Azərbaycan millisinin futbolçusu Namiq Ələsgərovun çıxış etdiyi “Bursaspor” klubu Türkiyə kubokunda mübarizəyə başlayıb. 

Allsport.az xəbər verir ki, Bursa təmsilçisi III təsnifat mərhələsində aşağı liqa klubu “Ceyhanspor”u qəbul edib. Rəqibini 6:1 hesabı ilə darmadağın edən meydan sahibləri IV raunda yüksəliblər.

Ələsgərovun adı bu qarşılaşma üçün I liqa təmsilçisinin iştirak ərizəsinə salınmayıb.

Vüsal İsgəndərlinin formasını geyindiyi “Keçiörəngücü” isə “Ağrı 1970 Spor”a 4:5 hesabı ilə uduzaraq ölkə kubokunda mübarizəni dayandırıb. 26 yaşlı yarımmüdafiəçi bu görüşdə iştirak etməyib.