“Əl-Hilal”da 2 mövsümdən sonra “Barselona”ya qayıtmağı planlaşdırır

Neymar “Əl-Hilal”da 2 mövsüm keçirdikdən sonra, “Barselona”ya qayıtmağı planlaşdırır. Allsport.az saytı xəbər verir ki, bundan əvvəl braziliyalının avqustun 15-də Səudiyyə klubunda tibbi müayinədən keçdiyi bildirilirdi. Proses bitincə, o, daha bir mövsüm uzatmaq imkanı ilə 2-illik müqavilə imzalayacaq.

31 yaşlı braziliyalı yenilənmə variantını aktivləşdirməyəcək. İspaniya mətbuatının yazdığına görə, “Barselona”ya icarə də istisna edilib. Hücumçunun “Əl-Hilal”da maaşı 300-400 milyon avro olacaq.

Klubun hər qələbəsinə görə Neymar 80 min avro, Səudiyyə Ərəbistanını təbliğ etdiyi hər sosial media paylaşımına görə futbolçuya 500 min avro ödəniləcək.