“Əl-İttihad” Son üçün 60 milyon avro təklif etməyə hazırdır

Son Xen Min Səudiyyə Ərəbistanından böyük təklif alıb.

Allsport.az xəbər verir ki, “Əl-İttihad” 30 yaşlı yarımmüdafiəçinin transferi üçün “Tottenhem”ə 60 milyon avro təklif etməyə hazırdır.

Şəxsi müqaviləyə əsasən, Xen Minin transfer olacağı təqdirdə illik maaşı 30 milyon avro olacaq. Futbolçuya 4 mövsümlük müqavilə təklif olunub.

Xen Min ötən mövsüm premyer liqada 36 oyunda 10 qol vurub və 6 məhsuldar ötürmə edib.