Əliyar Ağayev yenə Yunanıstandan dəvət aldı

FİFA referisi Əliyar Ağayev yenə Yunanıstanda vacib oyununa təyinat alıb. Allsport.az saytı xəbər verir ki, o, superliqada çempionluq qrupunun 6-cı turunda “Panatinaikos” – “Aris” matçının baş hakimi olacaq.

Ona həmyerliləri Zeynal Zeynalov və Akif Əmirəli köməklik göstərəcək. 4-cü hakim funksiyasını Spiridon Zampalas (Yunanıstan) yerinə yetirəcək.

Görüş mayın 1-i Bakı vaxtı ilə saat 20:00-da başlayacaq.