Əmrəli növbəti qolunu vurub

Azərbaycan millisinin və Polşa “Legiya”sının futbolçusu Mahir Əmrəli Varşava təmsilçisinin heyətində növbəti qolunu vurub.

Allsport.az xəbər verir ki, 24 yaşlı hücumçu “Qurnik Lençna” komandasına 3:1 hesabı ilə qalib gəldikləri ekstraklasanın VIII tur matçında fərqlənib.

Fasilədən sonra Tomaş Pexartın yerinə meydana daxil olan forvard 79-cu dəqiqədə görüşdə son nöqtəni qolub. Bu, onun Polşa çempionatında ilk qolu olub.

Bu qələbədən sonra xallarını 9-a çatdıran “Legiya” 12-ci pillədə qərarlaşıb. Paytaxt klubu rəqiblərindən 2 oyun az keçirib.