UEFA-ya şikayət

“Qalatasaray” niderlandlı yarımmüdafiəçisi Noa Lanqın “Liverpul”a qarşı keçirilən cavab oyununda (0:4) aldığı zədə ilə bağlı UEFA-ya rəsmi şikayət ünvanlayıb.

Allsport.az xəbər veri rki, hadisə martın 18-də “Enfild” stadionunda baş verib. Oyunun sonlarında top uğrunda mübarizə zamanı Lanqın əli metal çəpərlərin arasına sıxılıb.

Klubun baş katibi Eray Yazqan UEFA-dan təzminat tələb edəcəklərini bildirib: “Hüquqşünaslarımızla məsləhətləşirik. UEFA vəziyyəti qiymətləndirəcək. Tələbimiz yerinə yetirilməsə, məhkəməyə müraciət edə bilərik. Futbolçularımızın sağlamlığı bizim üçün hər şeydən önəmlidir”.