Ərdoğan Türkiyənin oyunlarını izləmək üçün Bakıya gələcək

Türkiyənin prezidenti Rəcəb Təyyub Ərdoğan AÇ-2020-nin final mərhələsinin oyunlarını izləmək üçün Bakıya gələcək. Allsport.az xəbər verir ki, dövlət başçısı bununla bağlı Azərbaycan respublikasının prezidenti İlham Əliyevlə danışdığını bildirib:

“İtaliyada ev sahiblərinə qarşı başlayırıq. Qəribə işdir. Digər iki görüşümüz üçün Bakıya gedəcəm, amma Romadakı oyunda olmaya bilərəm. İlham Əliyevlə danışdım, məni gözləyir. İnşallah, Bakıya gedərəm, qrupdan da çıxarıq”.

Türkiyə millisi iyunun 17-də Uels, iyunun 21-də isə İsveçrə ilə Bakı olimpiya stadionunda  qarşılaşacaq. AÇ-2020-nin açılış matçı Romada keçiriləcək. “Olimpiko”da İtaliya və Türkiyə milliləri qarşılaşacaq.