Əsgər Abdullayev: “Ot örtüyü çıxışımıza təsir etdi”

“Neftçi”nin baş məşqçisi Əsgər Abdullayev Topaz Premyer Liqasının 18-ci turu çərçivəsində “Kəpəz”ə qarşı keçirdikləri oyunu şərh edib. Allsport.az xəbər verir ki, paytaxt klubunun çalışdırıcısı 1:1 hesabıyla bitən qarşılaşmadan sonra bunları söyləyib:

“Rəqib yaxşı oynadı. Şahin müəllim yaxşı komanda qurub. Onu təbrik edirəm. “Neftçi”yə gəlincə, stadionun ot örtüyünün pis olması çıxışımıza təsir etdi. İkinci yarıda hesabı bərabərləşdirəndən sonra daha da fəallaşdıq. 2-3 yüz faizli qol imkanını qaçırdıq”.