174-ə çatdı, rekord qırdı

“Atletiko Madrid”in hücumçusu Antuan Qrizman, Madrid klubunun bütün zamanların ən məhsuldar qolçusu olub.

Allsport.az xəbər verir ki, fransalı futbolçu İspaniya super kubokunun yarımfinal mərhələsinin “Real Madrid”lə baş tutan görüşündə (3:5) qol vurub.

Antuan Qrizman üçün bu qol “matrasçılar”ın heyətində 174-cü olub. O, 173 qolu olan əfsanəvi Luis Araqoneşi geridə qoyub.

Ümumilikdə 32 yaşlı Qrizman “Atletiko”nun heyətində 368 oyun keçirib.