“2-ci yarıda toparlandıq”

“Neftçi”nin baş məşqçisi Samir Abbasov, premyer liqanın 22-ci turunda səfərdə “Şamaxı” ilə görüşdən sonra KİV nümayəndələri ilə görüşüb. Allsport.az saytı xəbər verir ki, o, 2:1 qalib gəldikləri oyunla bağlı buun deyib:  

“Futbolçular zəhmət çəkdilər. Çoxdandır süni örtüklü meydançada oynamırdıq. İlk hissədəki gərginliyin səbəbi bəlkə də bu idi. Yolumuza davam edəcəyik. Növbəti turda “Sabah”la oyun var. Ona hazırlaşacağıq. 

Stadionda ovqat çox xoş idi. Azarkeşər möhtəşəm idilər. Bəlkə də gənc oyunçularımız belə şeyə öyrəşməyib. Ona görə də ilk hissədə səhvlər edirdilər. Amma 2-ci yarıda toparlandıq. Ümid edirəm ki, gələcəkdə oyunlarımız da bu cür ab-havada keçəcək.