“2016-cı ildə “Mançester Siti”yə keçməyə yaxın idim”

Allsport.az xəbər verir ki, “Union Berlin”in müdafiəçisi Leonardo Bonuççi karyerası haqda danışıb:

“2016-cı ildə “Mançester Siti”yə keçməyə yaxın idim. Onlar “Yuventus”a 100 milyon funt-sterlinq təklif etdilər, lakin klubla danışıqlardan sonra Turində qalmağı qərarlaşdırdıq.

Qvardiolanın rəhbərliyi altında oynamaq böyük uğur olardı, çünki o, məni daha da gücləndirəcəkdi. Amma şikayət edəcəyim bir şey yoxdur, çoxlu kuboklar, fərdi mükafatlar və Avropa çempionatını qazanmışam”.