3:0 ilə 300-ə çatdı

Qurban Qurbanov baş məşqçi kimi Azərbaycan çempionatlarında 300-cü qələbəsini qazanıb. Allsport.az saytı xəbər verir ki, 51 yaşlı mütəxəssisin yubileyi Misli premyer liqasının 2-ci turuna təsadüf edib. Onun rəhbərlik etdiyi komanda öz meydanında “Turan Tovuz”a 3:0 qalib gəlib.

Mütəxəssis bu rəqəmə 2 klubda – “Neftçi” və “Qarabağ”da çalışdığı müddətdə çatıb. Bu göstəricidə ölkə çempionatında rekordçu olub. Ən yaxın izləyicisi Ağasəlim Mircavadovun hesabında 204 qələbə var.

Onun baş məşqçi kimi çempionatda ilk qələbəsi 2006-cı il avqustun 6-sında qeydə alınıb. Debütündə çalışdırdığı “Neftçi” evdə “Gənclərbirliyi”ni 6:1 üstələyib.