48 saatda 31.000 qeydiyyat!

Bakı şəhər halqası əməliyyat şirkətinin təşkilatçılığı ilə Formula-1 könüllü proqramına qeydiyyat mərhələsi rekord nəticə ilə yekunlaşıb. Allsport.az saytı xəbər verir ki, cəmi 48 saat ərzində 31.000-dən çox müraciətin daxil olması bu Azərbaycan qran prisi tarixində ən yüksək göstərici kimi qeydə alınıb.

Müqayisə üçün qeyd edək ki, ötən il bu rəqəm 16,000 idi. İlkin qeydiyyat artıq başa çatıb. Seçim zamanı motivasiyalı, ünsiyyət bacarığı və komanda ilə işləmə qabiliyyəti yüksək olan namizədlərə üstünlük veriləcək.