50-ci çempionat matçı

“Sabah”ın futbolçusu Aleksey İsayev 50-ci çempionat matçına çıxıb.

Allsport.az saytı xəbər verir ki, o, premyer liqanın 3-cü turunda “Neftçi” ilə ev matçında penaltidən qol vurmaqla yubileyinə töhfə verib. Yarımmüdafiəçi Bakı klubunda cəmdə 8 dəfə fərqlənib.

Aleksey “ağ-göylər”də 50 və daha çox oyun keçirən 6-cı futbolçudur. Onadək yalnız beş oyunçu “100”ü yarılayıb. İsayevin hesabı bərabərləşdirdiyi qarşılaşmada meydan sahibləri qələbə qazanıb – 2:1.